00:00:00 IGIHE NETWORK KN KINYARWANDA EN ENGLISH FR FRANCAIS

Sudani: Minisitiri w’Intebe Hamdok yirukanye Umuyobozi Mukuru wa Polisi n’umwungirije

Yanditswe na IGIHE
Kuya 28 Ugushyingo 2021 saa 11:00
Yasuwe :

Minisitiri w’Intebe wa Sudani, Abdallah Hamdok yirukanye Umuyobozi Mukuru wa Polisi y’iki gihugu n’umwungirije kubera uruhare uru rwego rwagize mu rupfu rw’abantu 42 baguye mu myigaragambyo.

Inzego z’umutekano zimaze iminsi zishinjwa kuba zaragize uruhare mu rupfu rw’abaturage babarirwa muri 42 baguye mu myigaragambyo yari imaze iminsi muri iki gihugu yo kwamagana ubutegetsi bw’abasirikare bayobowe na Gen Abdel Fattah al-Burhan bari barahiritse Abdallah Hamdok.

Kubera iki gikorwa, ku wa Gatandatu tariki 28 Ugushyingo 2021, Hamdok yatangaje ko yirukanye Umuyobozi Mukuru wa Polisi, Khaled Mahdi Ibrahim al-Emam n’uwari umwungirije.

Khaled Mahdi Ibrahim al-Emam yahise asimbuzwa Anan Hamed Mohamed Omar akazungirizwa na Abdelrahman Nasreddine Abdallah.

Ku wa 21 Ugushyingo 2021 nibwo Gen Abdel Fattah al-Burhan yasubije ubutegetsi Abdalla Hamdok yari aherutse guhirika ku mwanya wa Minisitiri w’Intebe.

Mu Ukwakira 2020 nibwo Abdallah Hamdok yatawe muri yombi n’Ingabo z’iki gihugu zimufungira iwe mu rugo, ubutegetsi buhita bufatwa na Gen Abdel Fattah al-Burhan.

Minisitiri w’Intebe Hamdok yirukanye Umuyobozi Mukuru wa Polisi n’umwungirije

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .