Sudan yafatiriye imitungo ifite agaciro ka miliyari $4 ya Omar al-Bashir n’abantu be ba hafi

Yanditswe na

Denyse Umukunzi

Kuya 23 Gicurasi 2020 saa 08:40
Yasuwe :
0 0

Urwego rushinzwe kurwanya ibyaha bya ruswa rwatangaje ko rumaze gufatira imitungo ifite agaciro ka miliyari $4, yahoze ari iya Omar al-Bashir wahoze ari perezida w’icyo gihugu, umuryango we n’abantu be ba hafi.

Uru rwego rukomeje gukurikirana ibyaha bya ruswa runibanda kuri Bashir wayoboye icyo gihugu kuva mu 1989 nyuma yo guhirika ubutegetsi yifashishije igisirikare, nawe abukurwaho n’imyigaragambyo y’abaturage muri Mata 2019.

Umuvugizi w’iyi komisiyo, Salah Manaa, yabwiye abanyamakuru ati “Igereranya ryacu ry’imitungo, imigabane mu bigo bitandukanye n’inyubako tumaze gufatira ni hagati ya miliyari $3.5 na miliyari $4.”

Bashir yakuwe ku butegetsi nyuma y’imyaka 30 ndetse mu Ukuboza umwaka ushize yahamijwe ibyaha bitandukanye birimo ibya ruswa akatirwa gufungwa imyaka ibiri, ndetse anashakishwa n’urukiko mpuzamahanga mpanabyaha ku byaha aregwa ko yakorewe muri Darfur.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .