Sudan y’Epfo yarakajwe bikomeye n’ihamagazwa rya Ambasaderi wa Amerika muri iki gihugu

Yanditswe na Ndayikunda Josué
Kuya 30 Ugushyingo 2019 saa 03:29
Yasuwe :
0 0

Guverinoma ya Sudan y’Epfo ntiyishimiye icyemezo cya Leta Zunze Ubumwe za Amerika cyo guhamagaza uwari ambasaderi wayo, Thomas Hushek muri iki gihugu.

Ikindi cyatije umurindi uburakari bwa Sudan y’Epfo ni uko abatavuga rumwe na leta nabo bishimiye icyemezo cya Amerika.

Kuwa mbere w’iki cyumweru nibwo Amerika yafashe umwanzuro wo guhamagaza uwari ambasaderi wayo, ibyagaragaye nk’ikimenyetso cy’uko Amerika itishimiye umwanzuro w’ubutegetsi bwa Salva Kiir wo kwigiza inyuma igihe cyo gushyiraho ubutegetsi buhuriweho n’abatavuga rumwe n’ubuyobozi bwe.

The East African ivuga ko ubuybozi bwa Perezida Kiir bwarenze ku mabwiriza akubiye mu masezerano yo kugarura amahoro muri Sudan y’Epfo ikinjiza abasirikare bashya rwihishwa mu gihe byari biteganyijwe ko abasirikare bashya bazajya baba bahuriweho na leta ndetse n’abo batavuga rumwe.

Tariki ya 12 Nzeri 2018 Perezida Salva Kiir, Riek Machar wigeze kuba visi perezida n’andi mashyaka atavuga rumwe n’ubutegetsi muri Sudan y’Epfo, basinyanye amasezerano yo gushyiraho guverinoma y’ubumwe, gusa tariki ya 12 Ugushyingo 2019 yari yumvikanyweho bayongereyeho iminsi 100.

Uhagarariye Sudan y’Epfo mu muryngo w’Ubumwe bwa Afurika, James P. Morgan, yavuze ko icyemezo cya Amerika cyo guhamagaza ambasaderi wayo kivuze ko idashyigikiye urugendo rw’amahoro muri Sudan y’Epfo igaha n’urwaho abatifuriza igihugu icyiza.

Ati “Amerika ntiyigeze iba inshuti ya Sudan y’Epfo. Iby’ikora byose ni imikino ya politiki ituma Sudan y’Epfo ariyo ihinduka ikibazo.”

Abo mu ishyaka rya Dr Riek Machar bashinja ubuyobizi bwa Salva Kiir ko batigeze bashyiraho igihe gihamye cyo kuba bamaze gushyiraho ubuyobozi buhuriweho n’abatavuga rumwe n’ubutegetsi ndetse n’uburiho nk’uko byari byemejwe.

Umuryango w’Abibumbye na Leta Zunze Ubumwe za Amerika bagiye bashyiriraho ibihano abayobozi bakuru batandukanye muri Sudan y’Epfo, ibihano birimo kutagira ingendo zo hanze ya Sudan y’Epfo bakora kabone nubwo hari ababirengaho bakazikora.

Perezida Kiir asuhuzanya na Riek Machar bahanganye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .