Sudan: Minisitiri w’Intebe yamaganye igitutu mu gushyiraho Guverinoma nshya

Yanditswe na Twarabanye Venuste
Kuya 2 Nzeri 2019 saa 02:51
Yasuwe :
0 0

Minisitiri w’intebe wa Sudan, Abdalla Hamdok, yavuze ko nta muntu ugomba kwivanga muri gahunda yo gutoranya Abaminisitiri bazaba bagize Guverinoma shya.

Yabitangaje nyuma y’ urutonde rwashyizwe ahagaragara n’ishyaka riharanira ukwishyira ukizana n’impinduka muri Sudan, (Freedom and Change Alliance), risaba ko mu gushyiraho Guverinoma buri shyaka ryagenerwa imyanya runaka yihariye.

Hamdok yavuze ko nta gitutu icyo aricyo cyose kigomba kubaho mu ivugurura rya Guverinoma.

Yavuze ko gutoranya Abaminisitiri bigomba gukorwa mu mucyo kugira ngo igihugu kugire ituze n’amahoro.

Yongeyeho ko abaminisitiri 7 bonyine aribo bamaze gutoranywa asaba iryo shyaka kugaragaza abandi bashobora kuvamo Abaminisitiri kandi abasaba ko ibyo byakorwa mu masaha 24.

Ku wa 27 Kanama 2019, nibwo Hamdok yakiriye urutonde rw’abakandida basimbura abacyuye igihe. Urwo rutonde rwari rugizwe n’Abakandida 49 barimo 14 bagomba kuvamo Abaminisitiri na 16 bagomba kuvamo inama nkuru y’Abaminisitiri .

Ku munsi wakurikiyeho, Hamdok yasabwe ko yakora guverinoma ishingiye ku byifuzo by’ishyaka riharanira ukwishyira ukizana n’Impinduka (Freedom and Change Alliance) uretse Minisitiri w’Umutekano uzatoranywa n’abasirikare mu nama nkuru ishinzwe ubusugire bw’igihugu. Hamdok yabyamaganiye kure.

Hamdok yagizwe Minisitiri ashyizweho n’amasezerano aganisha ku guha ubutegetsi abasivili, yo ku wa 4 Kanama 2019 hagati y’akanama k’inzibacyuho ka gisirikare n’amahuriro y’abasivili batavuga rumwe n’ubutegetsi.

Icyo gihe yahise atangaza ko kugeza igihugu ku mahoro no gukemura ikibazo cy’ubukungu budahagaze neza ari byo ashyize imbere, bikaba biteganyijwe ko azayobora inzibacyuho mu gihe cy’amezi atatu.

Minisitiri w’intebe wa Sudan, Abdalla Hamdok, yavuze ko nta muntu ugomba kwivanga muri gahunda yo gutoranya Abaminisitiri bazaba bagize Guverinoma shya

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza