Somalia: Inteko yongereye Perezida imyaka ibiri

Yanditswe na Bukuru JC
Kuya 13 Mata 2021 saa 11:44
Yasuwe :
0 0

Inteko Ishinga Amategeko umutwe w’abadepite muri Somalia kuri uyu wa Mbere yongereye manda ya Perezida ho imyaka ibiri, nyuma y’uko iya mbere irangiye ntihategurwe andi matora kubera ibibazo by’umutekano.

Abadepite 149 nibo bemeye ko Perezida ahabwa imyaka ibiri y’inyongera. Uwo mwanzuro kandi utegeka komisiyo ishinzwe amatora kuba yateguye amatora muri iyo myaka ibiri.

Ni umwanzuro ugomba kwemezwa n’umutwe wa Sena ya Somalia kugira ngo utangire gukurikizwa.

Ibiro bya Perezida byatangaje ko Perezida Mohammed Abdullahi Farmajo yishimiye uwo mwanzuro.

Hari ibiganiro byari byatangiye bihuza impande zitandukanye muri Somalia ngo hakemurwe ikibazo cy’amatora ariko mu cyumweru gishize byahagaze nta mwanzuro. Guverinoma ishinja abahagarariye Intara za Puntland na Jubbaland kuba nyirabayazana w’uko kudatanga umusaruro kw’ibiganiro.

Manda ya Mohammed Abdullahi Farmajo yarangiye kuwa 8 Gashyantare uyu mwaka.

Africa News yatangaje ko abatavuga rumwe na Leta bashobora kwitambika uwo mwanzuro wo kongerera Perezida Farmajo imyaka ibiri.

Hari impungenge ko umutwe w’iterabwobwa wa Al-Shabaab ushobora gufatrana uko kutumvikana ugakaza umurego muri icyo gihugu cyashegeshwe n’imitwe y’iterabwoba.

Inteko yatoye ko Perezida Farmajo yongererwa imyaka ibiri

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .