Sierra Leone: Uwahoze ari Minisitiri yagejejwe mu rukiko azira kwinjirana imbunda kwa Perezida

Yanditswe na IGIHE
Kuya 31 Werurwe 2020 saa 01:20
Yasuwe :
0 0

Paolo Conteh yagejejwe mu rukiko rwo muri Sierra Leone ashinjwa ubugambanyi kuko yinjiranye imbunda mu biro bya Perezida ubwo bari bagiye mu nama yo gushaka icyakorwa ngo bakumire coronavirus.

Uyu mugabo wahoze ari Minisitiri w’Ingabo yagejejwe mu rukiko rwo mu murwa mukuru, Freetown kuri uyu wa Mbere.

Arashinjwa ibyaha 16 bishamikiye ku cyaha nyamukuru cy’ubugambanyi. Urubanza rwe rwarasubitswe, ariko umucamanza amwima kuburana ari hanze nkuko yari yabyifuje.

Conteh yatawe muri yombi tariki 19 Werurwe nyuma y’uko ibyo yakoze bimenyekanye.

Nubwo ashinjwa kwinjirana imbunda kwa Perezida Julius Maada Bio , we avuga ko yari yayeretse abashinzwe umutekano w’umukuru w’igihugu bakora ku marembo ya Perezidansi.

Ibinyamakuru byo muri icyo gihugu byatangaje ko gutwara imbunda ugiye guhura na Perezida, Itegeko Nshinga ribifata nk’ubugambanyi.

Conteh arazira kwinjirana imbunda mu biro bya Perezida

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .