Samba-Panza yemeje ko aziyamamariza kongera kuyobora Centrafrique

Yanditswe na Bukuru JC
Kuya 29 Kanama 2020 saa 06:42
Yasuwe :
0 0

Catherine Samba-Panza wayoboye Centrafrique kuva mu 2014 kugeza mu 2016, yatangaje ko azahangana na Faustin Archange Touadera mu matora ateganyijwe tariki 27 Ukuboza 2020.

Samba-Panza w’imyaka 64 ni we mugore wa mbere wayoboye Centrafrique ituwe n’abagera kuri miliyoni 4.6 nyuma y’imvururu za politiki zabaye hagati ya 2012-2013.

Kuri uyu wa Gatanu, uyu mugore yavuze ko yafashe icyemezo cyo kwiyamamaza nyuma yo kubishishikarizwa n’abantu benshi bagendeye ku mwuka mubi wa politiki n’umutekano muke ukomeje kurangwa mu gihugu.

Ati “Nagaragaje ko ntanduye virusi yo kugundira ubutegetsi nubahiriza itegeko nshinga siniyamamaza mu 2016”.

Touadera watowe mu 2016, biteganyijwe ko aziyamamariza manda ya kabiri ariko ntaremeza neza niba aziyamamaza.

Samba-Panza yayoboye Centrafrique kuva mu 2014-2016

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .