Umunyamabanga Mukuru w’Ishyaka riharanira Demokarasi, Jacob Ali Haji, ni we watangaje iby’icyo kimenyane.

Yabwiye Nation ko bamaze iminsi bakurikira uburyo Perezida aha abantu imyanya, bagasanga hari abahezwa inyuma.

Uyu muyobozi yavuze ko amashyaka yihurije hamwe mu gushyigikira Ruto, amaze iminsi abona ko mu gutanga imyanya, yita ku bagize UDA gusa, abandi bagasigara amaso ari mu kirere.

Ati “Ibi bishobora kuba iherezo ry’ihuriro Kenya Kwanza kuko amashyaka aribarizwamo atishimiye uburyo imyanya itangwa muri Guverinoma no mu zindi nzego.”

Ibyemezo biri gufatwa n’ishyaka rimwe kandi twese turi abafatanyabikorwa bangana mu masezerano ashyiraho Kenya Kwanza. Twakoze byose hamwe mu gufasha Ruto kugera ku ntsinzi. Ariko ibintu byarahindutse nyuma y’amatora.”

Abashyigikiye Ruto batangiye kumushinja kubarenza ingohe