Roch Marc Christian Kaboré yongeye gutorerwa kuyobora Burkina Faso

Yanditswe na IGIHE
Kuya 26 Ugushyingo 2020 saa 04:45
Yasuwe :
0 0

Komisiyo y’amatora muri Burkina Faso yatangaje ko amajwi y’agateganyo yerekana ko Roch Marc Christian Kaboré ari we wongeye gutorerwa kuyobora iki gihugu muri manda y’imyaka itanu.

Aya majwi y’agateganyo yashyizwe hanze kuri uyu wa Kane, yerekana ko Kaboré yatsinze n’amajwi 58%, bituma ahigika abandi bantu 12 bahataniraga uyu mwanya.

Eddie Kamboigo wari uhanganye cyane na Perezida Kaboré yabonye amajwi 15%, mu gihe Zephrin Diabre n’ubundi wari warahigitswe na Kaboré mu matora yaherukaga mu 2015, yabonye 12%.

Amatora yo muri iki gihugu yabaye ku wa 22 Ugushyingo, ndetse Bernard Makuza wahoze ari Perezida wa Sena y’u Rwanda akaba yari yahawe inshingano n’Umuryango wa Afurika yunze Ubumwe zo guhagararira indorerezi zawo muri aya matora.

Kaboré yatorewe bwa mbere kuyobora Burkina Faso mu 2015. Yanabaye Minisitiri w’Intebe muri iki gihugu kuva mu 1994 kugeza mu 1996.

Amajwi y'agateganyo muri Burkina Faso arerekana ko Kaboré yatorewe kongera kuyobora iki gihugu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .