00:00:00 IGIHE NETWORK KN KINYARWANDA EN ENGLISH FR FRANCAIS

RDC: Urukiko rwabuze ububasha bwo kuburanisha Général na Senateri

Yanditswe na Jean de Dieu Tuyizere
Kuya 3 June 2024 saa 03:36
Yasuwe :

Urukiko rwa gisirikare rwa Ex Kasaï-Occidental muri Repubulika Iharanira Demokarasi ya Congo rwafashe icyemezo cyo kutaburanisha umupolisi Général Polydore Omokoko na Senateri Hubert Mbingho, rusobanura ko rudafite ububasha bwo kubaburanisha.

Gen Omokoko na Senateri Mbingho bari mu bantu 10 bashinjwe kugira uruhare mu bugizi bwa nabi bwakozwe n’abitwaje intwaro mu duce twa Kamuina Nsapu na Bana Mura kuva mu 2016 kugeza mu 2017. Ni ibitero byiciwemo abaturage, bamwe barasambanywa, hangizwa imitungo myinshi.

Nk’uko byatangajwe na 7 Sur 7, abaturage bagera ku 119 batanze ikirego, ubushinjacyaha bugeza abakekwaho iki gitero muri uru rukiko. Urubanza rwabereye ahakorewe ibyaha kugira ngo byorohere abatangabuhamya.

Ni urubanza rukomeye rwatewe inkunga n’imiryango n’ibigo mpuzamahanga birimo TRIAL International, PARJ 2 na SIDA (Swedish International Development Cooperation Agency), kugira ngo abaturage bagizweho ingaruka n’iki gitero babone ubutabera.

Perezida w’uru rukiko, Innocent Muyembe, yagize ati “Mwabonye ko uru rubanza rurimo Général na Senateri. Ntabwo urukiko rwa gisirikare ruburanisha Général, ahubwo rubutanisha abofisiye bo hejuru n’abandi b’amapeti mato. Abahohotewe, babinyujije mu bavoka, bakwiye kurujyana mu rwego rubifitiye ububasha.”

Raporo y’impuguke z’Umuryango w’Abibumbye yo mu 2017 yagaragaje ko kuva muri Nzeri 2016, muri Grand Kasaï hishwe abasivili barenga 400, abandi miliyoni 1,3 barahunga, kandi ngo byagizwemo uruhare n’inyeshyamba, abasirikare n’abapolisi.

Perezida w'uru rukiko yanzuye ko rudafite ububasha bwo kuburanisha abaregwa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .