RDC: Umwe mu bajyanama ba Tshisekedi yishwe na Coronavirus

Yanditswe na Bukuru JC
Kuya 25 Werurwe 2020 saa 08:08
Yasuwe :
0 0

Umuntu wa gatatu yahitanywe na Coronavirus muri Repubulika Iharanira Demokarasi ya Congo. Uwapfuye yari umunyamategeko uhagarariye itsinda ry’abanyamategeko bagira inama Perezida Félix Tshisekedi wa RDC.

Jean Joseph Mukendi wa Mulumba bivugwa ko yanduriye Coronavirus mu rugendo aherutsemo mu Bufaransa.

Ni umwe mu bantu bari bakomeye mu bahoze batavuga rumwe na Leta ya Joseph Kabila ndetse no mu baharanira uburenganzira bwa muntu.

Yahoze ari umwe mu byegera bya hafi bya Etienne Tshisekedi, se wa Perezida Félix Tshisekedi.

Kugeza kuri uyu wa Gatatu, tariki ya 25 Werurwe 2020, RD Congo imaze kwemeza abantu 48 barwaye Coronavirus.

Kuri uyu wa Kabiri, Perezida Tshisekedi yatangaje ko imipaka ifunzwe ndetse ko umujyi wa Kinshasa ushyizwe mu kato mu kwirinda ikwirakwira rya Coronavirus.

Jean Joseph Mukendi wa Mulumba yazize Coronavirus

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .