Igisirikare cya Congo cyatangaje ko abo baturage biciwe mu gace ka Mukondi mu ijoro ryo kuri uyu wa Gatatu, ubwo abagize uwo mutwe bateraga ako gace bagatwika inzu z’abaturage.

ADF yahoze irwanya ubutegetsi bwa Uganda, ifite ibirindiro muri Kivu y’Amajyaruguru nubwo mu minsi ishize yagiye igaba ibitero no mu zindi ntara nka Ituri.

Abaturage bose bishwe batemeshejwe imihoro, ndetse amakuru avuga ko mu bishwe harimo n’abana.

Uyu mutwe wamaze kwihuza n’indi y’iterabwoba igendera ku mahame akaze ya kisilamu, ndetse iri mu mitwe ihembera ubugizi bwa nabi mu Burasirazuba bwa Congo, ahabarizwa indi mitwe yitwaje intwaro usaga 120.

Leta zunze Ubumwe za Amerika ziherutse gushyiraho igihembo cya miliyoni eshanu z’amadolari, ku muntu wese uzagaragaza ahaherereye umuyobozi wa ADF, Seka Musa Baluku.

ADF imaze igihe yica ikanakora ibikorwa by'ubugizi bwa nabi mu Burasirazuba bwa RDC