00:00:00 IGIHE NETWORK KN KINYARWANDA EN ENGLISH FR FRANCAIS

RDC: Tshisekedi yasabwe kwirukana abajenerali batekinitse imibare y’abasirikare

Yanditswe na Bukuru JC
Kuya 24 Kamena 2021 saa 08:43
Yasuwe :
0 0

Sosiyete Sivile muri Repubulika Iharanira Demokarasi ya Congo, yasabye Perezida Félix Antoine Tshisekedi, kwirukana abayobozi mu nzego nkuru za gisirikare bamubeshye imibare y’abasirikare bayobora.

Mu batanze ubu busabe ku isonga hari Jean Claude Katende, uhagarariye umuryango uharanira uburenganzira bwa muntu witwa Asadho (Association Africaine de Défense des Droits de l’Homme), wavuze ko abajenerali bagomba gutanga ibisobanuro ku mafaranga yahembwe abasirikare ba baringa.

Ati “Abajenerali babeshye umukuru w’igihugu bakwiye kwirukanwa. Bagomba gutanga ibisobanuro ku mishahara y’abasirikare ba baringa. Ubutabera bwa gisirikare bugomba kubikurikirana.”

Agaruka ku bibazo urubyiruko rwamubajije mu ruzinduko yagiriye mu ntara ya Ituri mu cyumweru gishize, Perezida Tshisekedi, yavuze ko yishimira uko ibintu bihagaze kuva aho Intara ya Kivu y’Amajyaruguru na Ituri zishyizwe mu bihe bidasanzwe.

Nk’uko urubuga Congosythese rubitangaza, Perezida Tshisekedi na we yemera ko hari amanyanga menshi akorwa mu nzego zishinzwe umutekano n’iza leta kandi ko umuco wo guceceka utuma adacika ariko uko byagenda kose bigomba gucika, ahamagariye abaturage b’i Bunia kubigiramo uruhare.

Ati "Bimaze kugaragara ko hari amanyanga menshi akorwa mu nzego zacu zishinzwe umutekano. Hari ’mafia’ mu gisirikare no mu zindi nzego, narabivuze kuva mu myaka 20 ishize. Nta gisirikare, nta gipolisi twarabibonye. Nimurebe muri sena ibyabaye vuba aha.Ni wa muco wo guceceka nk’uko twajyaga tubibona muri ’mafia’ z’i Burayi,ni nk’aho ari bwo buryo bw’imibereho. Ubwicanyi burakorwa bucece, abantu bagasahura bucece, bagakora magendu bucece. Ibi ni byo tugomba kurwanya."

Tshisekedi yasabwe kwirukana abajenerali bamubeshye bakamuha imibare y'abasirikare ba baringa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .