RDC: Imitwe yitwaje intwaro yishe abarenga 1300 mu mezi atandatu ya mbere ya 2020

Yanditswe na Bukuru JC
Kuya 8 Kanama 2020 saa 09:43
Yasuwe :
0 0

Raporo y’ishami rya Loni rishinzwe uburenganzira bwa muntu (UNJHRO), yagaragaje ko mu mezi atandatu ya mbere ya 2020, abantu barenga 1300 bishwe n’imitwe yitwaje intwaro muri Repubulika Iharanira Demokarasi ya Congo (RDC), bakaba barikubye gatatu ugereranyije n’igihe nk’iki cya 2019.

Hagati ya Mutarama na Kamena 2020, muri rusange imitwe yitwaje intwaro muri RDC yishe abantu 1315, barimo abagore 267 n’abana 165. Mu mezi nk’aya ya 2019 hari hishwe abaturage 416.

Ibikorwa by’ubwicanyi bikaba byiganje muri Ituri, Kivu y’Amajyepfo, Tanganyika na Kivu y’Amajyaruguru.

Ibikorwa by’urugomo muri Ituri byongereye ubukana mu Ukuboza 2017 bitewe n’ubucukuzi bw’amabuye y’agaciro.

Raporo ya Loni yagaragaje ko ibitero biheruka biri ku rwego rw’ibyaha byibasiye inyokomuntu. Ivuga ko nubwo mu Ukwakira 2019, ingabo za Leta zatangije ibikorwa byo guhashya imitwe yitwaje intwaro, ubwicanyi bukorerwa abasivili butagabanuka.

Imitwe yitwaje intwaro yishe abarenga 1300 muri RDC mu mezi atandatu ya mbere ya 2020

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .