00:00:00 IGIHE NETWORK KN KINYARWANDA EN ENGLISH FR FRANCAIS

RDC: Igisasu cyaturikiye mu rusengero, birakekwa ko cyahitanye benshi

Yanditswe na Bukuru JC
Kuya 15 Mutarama 2023 saa 02:51
Yasuwe :

Igisasu cyaturikiye mu rusengero rwa Communauté des Églises Pentecôtistes du Congo (CEPAC) mu gace ka Kasindi muri Kivu y’Amajyaruguru, gihitana benshi kuri iki Cyumweru.

Ibinyamakuru byo muri RDC bivuga ko umubare nyawo w’abahitanywe n’iki gitero utaramenyekana, icyakora bavuga ko benshi bashobora kuba baburiyemo ubuzima.

Guverinoma ya Congo yatangaje ko umutwe wa ADF ari wo ukekwaho kugaba icyo gitero, cyabaye mu masaha y’igitondo abakiristu barimo gusenga.

Igisirikare cya Congo (FARDC) cyasabye abaturage ba Kasindi kwirinda guhagarara ahantu mu matsinda mu rwego rwo kwirinda ko hagira ikindi gikorwa cy’iterabwoba kiba.

Leta yatangaje ko inzego z’ubutabazi zahise zihagera kugira ngo abakomeretse bahabwe ubuvuzi.

Igitero cyabereye mu gace kegereye umupaka wa Uganda na RDC, ahazwi nk’indiri y’abarwanyi b’umutwe wa ADF, ugizwe n’abakomoka muri Uganda.

Kasindi ni agace gaherereye hafi y'umupaka wa RDC na Uganda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .