Iyi mirambo yatahuwe hafi n’Umugezi wa Ituri mu gace ka Irumu mu Ntara ya Ituri bikekwa ko ari iy’abaturage bagiye bicwa n’imitwe yitwaje intwaro ikorera muri aka gace.

Umuyobozi w’Umuryango utabara imbabare, Croix Rouge muri aka gace, David Beiza yavuze ko abarwanyi b’umutwe wa ADF urwanya Leta ya Uganda ari bo bashobora kuba barishe aba bantu kuko ariwo urangwa n’ibi bikorwa byo guca abantu imitwe.

Uyu mutwe wa ADF ukekwaho kuba inyuma y’iki gikorwa muri Gicurasi 2022 wagabye igitero mu gace ka Irumu kigwamo abantu 20.

Dieudonne Malangay utuye muri aka gace yabwiye Ibiro Ntaramakuru, AFP ko batabashije kumenya imyirondoro y’aba bantu bishwe kuko iyi mirambo yatahuwe yaratangiye kwangirika.