RDC: Général Kahimbi wari ukuriye iperereza rya gisirikare yasanzwe iwe yapfuye

Yanditswe na IGIHE
Kuya 28 Gashyantare 2020 saa 03:51
Yasuwe :
0 0

Amakuru ava muri Repubulika ya Demokarasi ya Congo, RDC, yemeza ko Général Delphin Kahimbi wari ukuriye iperereza rya gisirikare muri icyo gihugu, yasanzwe iwe yapfuye mu gitondo cyo kuri uyu wa Gatanu.

Nk’uko RFI yabitangaje, amakuru yatanzwe n’umugore we n’abantu be ba hafi yemeza ko uyu musirikare mukuru yitabye Imana.

Gen Kahimbi yari amaze iminsi akekwa amababa, ndetse yahamagajwe inshuro zitandukanye ngo abazwe ku byaha yakekwagaho birimo gukorana n’imitwe yitwaje intwaro no kugambirira guhungabanya umutekano w’igihugu. Hari amakuru ko kuri uyu wa Kane yari yanahagaritswe mu mirimo.

Umuvugizi w’Ingabo za FARDC yatangaje ko hatangiye iperereza, yirinda kugira byinshi avuga kuri uru rupfu.

Uyu musirikare wari muri uyu mwanya kuva ku bwa Perezida Joseph Kabila akaba n’umwe mu bantu be ba hafi, yari mu bafatiwe ibihano n’Umuryango w’Ubumwe bw’u Burayi kubera ibyaha yashinjwaga byo guhonyora uburenganzira bwa muntu.

Mu minsi ishize nabwo Général Delphin Kahimbi yabujijwe kujya muri Afurika y’Epfo, aho byavugwaga ko yashakaga kujya kwivuza, ariko ubuyobozi bukamugiraho amakenga.

Gen Kahimbi yasanzwe iwe yapfuye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza