RDC: Ebola yishe 10 mu barwayi 16 bashya babonetse mu ntara ya Equateur

Yanditswe na Bukuru JC
Kuya 13 Kamena 2020 saa 06:05
Yasuwe :
0 0

Minisiteri y’ubuzima muri Repubulika ya Demokarasi ya Congo, kuri uyu wa Gatandatu yatangaje amakuru mashya y’uko Ebola ihagaze mu ntara ya Équateur iri mu burengerazuba bw’igihugu, ivuga ko imaze kwica abantu 10.

Abo bari mu barwayi bashya 16 bamaze kuboneka guhera ku itariki ya 1 Kamena 2020, ubwo hatangazwaga ko Ebola yongeye kwaduka muri iki gihugu ku nshuro ya 11 mu mateka yacyo.

Hari ahantu habiri habaye izingiro ry’iyi ndwara hamwe ni i Mbandaka, mu murwa mukuru w’intara ya Équateur, ahabonetse abarwayi ku itariki ya 11 Gicurasi 2020.

Hakaba no mu karere k’ubuzima ka Bikoro, kuri kilometero 148 mu majyepfo ya Mbandaka, aho umugore wari wagiye mu muhango wo gushyingura i Mbandaka yatashye.

Kuva ku itariki ya 14 Gicurasi, RDC yatangiye kubara kugeza ku minsi 42 nta wundi murwayi mushya ubonetse kugira ngo itangaze ko Ebola yari yadutse mu burasirazuba bw’igihugu ku itariki ya 1 Kanama 2018 icitse.

Iyo Ebola yo mu burasirazuba yatangajwe ko yahitanye abantu 2,280.

Yabaye iya 10 mu mateka ya RDC, iba n’iya kabiri mbi cyane mu mateka y’isi nyuma y’iyibasiye ibice bimwe byo mu burengerazuba bw’Afurika kuva mu 2013 kugera mu 2016 ikica abarenga 11,300.

Abantu 10 bamaze kwicwa na Ebola yongeye kwaduka muri RDC

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .