RDC : Abanduye Coronavirus bageze kuri 23, uwa mbere yitabye Imana

Yanditswe na IGIHE
Kuya 21 Werurwe 2020 saa 12:52
Yasuwe :
0 0

Minisiteri y’Ubuzima muri Repubulika ya Demokarasi ya Congo, yemeje ko abamaze kwandura Coronavirus bamaze kuba 23, mu gihe umuntu wa mbere yamaze guhitanwa n’iki cyorezo.

Minisitiri w’ubuzima, Dr. Eteni Longondo, yabwiye Radio Okapi ko kuri uyu wa Gatanu abanduye Coronavirus bari batanu, kandi bose ni abanye-Congo.

Yakomeje ati “Itsinda rishinzwe kubavura rikomeje kubitaho. Ejo kandi, twagize umuntu wa mbere witabye Imana azize COVID-19.”

Minisitiri w’Ubuzima yirinze gutangaza imyirondoro y’uwitabye Imana. Gusa amakuru avuga ko ari umuyobozi wungirije w’ibiro bya Minisitiri w’ubukungu, Didier Bandubola.

Ku wa 10 Werurwe nibwo umuntu wa mbere muri RDC yatahuweho Coronavirus, Umubiligi wari umaze iminsi mu gihugu akurikiranwa n’ubuyobozi bw’inzego z’ubuzima, ari no mu kato.

Iyi ndwara yakomeje kwiyongera, ku buryo ku wa Kane byemejwe ko Minisitiri w’Ubukungu, Acacia Bandubola Mbong, Umuyobozi mukuru wungirije muri iyo Minisiteri n’umugore we bapimwe basanga barwaye icyorezo cya Coronavirus, bahita bashyirwa mu kato hamwe n’umugabo wa Minisitiri.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza