00:00:00 IGIHE NETWORK KN KINYARWANDA EN ENGLISH FR FRANCAIS

Raila Odinga yeruye ko adateze kwemera William Ruto nka Perezida

Yanditswe na IGIHE
Kuya 24 Mutarama 2023 saa 08:31
Yasuwe :

Ihuriro Azimio la Umoja riyobowe na Raila Odinga ryeruye ko ridafata William Ruto nka Perezida wa Kenya, ndetse ko umuntu wese uri mu butegetsi bwe ari mu nshigano mu buryo budakurikije amategeko.

Impaka zikomeje kuba zose muri Kenya, aho Odinga atemera ko yatsinzwe amatora ya Perezida yabaye ku wa 9 Kanama 2022, aho ibyavuyemo byagaragaje ko Ruto wari umukandida w’ihuriro ry’amashyaka rya Kenya Kwanza yabonye amajwi 50.4%, Odinga wa Azimio la Umoja akabona 48.8%.

Ibyavuye mu matora byemejwe n’urukiko, ariko Odinga ntiyashirwa kuko na ba komiseri bane bari muri komisiyo y’amatora bavuze ko habayemo ibintu bidafututse, bitandukanya n’ibyavuye mu matora.

Kuri uyu wa Mbere, Odinga yanditse kuri Twittera ati "Twe nka Azimio ntitwemera ibyavuye mu matora yo mu 2022. Ntabwo twemera kandi ntiduteze kwemera ubutegetsi bwa Kenya Kwanza, ndetse dufata Guverinoma ya Kenya Kwanza nk’itemewe n’amategeko."

"Ntabwo dufata Bwana William Ruto nka Perezida wa Kenya ndetse ntitwemera umuyobozi uwo ari we wese uri mu butegetsi bwe."

Icyakora, kutemera ubu butegetsi ntacyo bihidura kuko Ruto akomeje imirimo ye nka Perezida watowe kandi warahiye.

Ubwo yiyamamarizaga kuyobora Kenya, Odinga yari kumwe na Martha Karua wari kumubera visi perezida. Bombi ntibemera ko batsizwe amatora na Ruto wari visi perezida, ahubwo bavuga ko bibwe amajwi, kuko ku yo bari bakeneye barengejeho hajuru y’amajwi miliyoni ebyiri.

Raila Odinga akomeje kwamagana ubutegetsi bwa Ruto hamwe n'abarwanashyaka be

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .