Tariki ya 17 Ugushyingo 2024, Perezida Samia yavuze ko abantu 13 ari bo bapfuye ubwo iyi nyubako yasenyukaga, abandi 84 barakomereka.

Samia yasabye Minisitiri w’Intebe kuyobora itsinda rigenzura inyubako zose ziri muri Kariakoo kugira ngo hamenyekane niba zubatse neza, mu rwego rwo gukumira indi mpanuka.

Uyu Mukuru w’Igihugu yasobanuye ko inyubako yasenyutse igikorwaho iperereza, kandi ko Abapolisi bazakusanya amakuru yose y’uburyo yubatswe, akazatangazwa ku mugaragaro, hanatangazwa ingamba zizaba zafashwe.

Perezida Samia yagize ati “Tuzakomeza kugezwaho amakuru y’ubutabazi na Minisitiri w’Intebe, kandi twihanganishije imiryango yose yagizweho ingaruka n’ibi byago.”

Guverinoma yemeye kwishingira abakomeretse bose mu bijyanye n’ubuvuzi, inamenye neza ko abitabye Imana bashyinguwe mu cyubahiro.

Perezida Samia yasabye Minisitiri w'Intebe kuyobora itsinda rikora isuzuma ku nyubako za Kariakoo