Perezida wa Tanzania agiye gushyiraho itsinda rigenzura imiterere ya Covid-19 mu gihugu

Yanditswe na Umwali Zhuri
Kuya 6 Mata 2021 saa 04:16
Yasuwe :
0 0

Perezida wa Tanzania, Samia Suluhu Hassan, yatangaje ko ateganya gushyiraho Komite y’Impunguke igomba kugenzura ibijyanye na Covid-19 hanyuma ikagira inama Guverinoma ku ngamba zikwiye gufatwa.

Kuri uyu wa Kabiri, Samia yagize ati “Ku kijyanye na Covid-19, ndatekereza ko ngomba gushyiraho komite y’impuguke kugira ngo ibirebe mu buryo bwa kinyamwuga hanyuma igire inama Guverinoma, ntabwo [Covid-19] ikwiriye gucecekwa, kwamaganwa cyangwa se kwemerwa nta bushakashatsi buboneye bwakozwe.”

Samia yavuze ko Abanya-Tanzania badashobora kwiheza nk’aho batuye mu karwa ariko kandi ko badashobora kwemera ibintu byose bazaniwe.

Ati “Ntabwo dushobora gukomeza gusoma Covid-19 ku Isi hanyuma Tanzania ngo ibe yera, ntabwo bisobanutse.”

Yavuze ko Tanzania ikeneye mu buryo bwumvikana kugira aho ihagarara ku bijyanye na Covid-19.

Imibare ya nyuma y’ubwandu bwa Covid-19 muri Tanzania ni abantu 509, hashize umwaka itangajwe.

Perezida wa Tanzania, Samia Suluhu Hassan, yatangaje ko ateganya gushyiraho komite y’impuguke igomba kugenzura ibijyanye na Covid-19 mu gihugu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .