00:00:00 IGIHE NETWORK KN KINYARWANDA EN ENGLISH FR FRANCAIS

Perezida Samia Suluhu yakingiwe COVID-19, avuga ko Tanzania atari akarwa

Yanditswe na IGIHE
Kuya 28 Nyakanga 2021 saa 12:27
Yasuwe :
0 0

Perezida wa Tanzania, Samia Suluhu Hassan, yakingiwe COVID-19, avuga ko iki gihugu cyasanze atari ‘akarwa’ cyiyemeza kuba nacyo cyatangira ibikorwa byo gukingira abaturage bacyo iki cyorezo.

Uyu Mukuru w’Igihugu yahawe urukingo rwa COVID-19, kuri uyu wa 28 Nyakanga 2021, ubwo Tanzania yatangizaga ibikorwa byo gukingira abaturage bayo mu buryo bwa rusange.

Ubwo yari amaze gukingirwa, Perezida Samia Suluhu, yavuze ko Tanzania yasanze atari akarwa. Ati “Ntabwo turi akarwa kandi iyo ni yo mpamvu twatangiye gukingira.”

Perezida Suluhu yasabye abaturage bose kwikingiza COVID-19, avuga ko ataboreka ngo kuko uretse kuba Perezida ari umubyeyi ufite n’abuzukuru.

Uretse Perezida Samia Suluhu wafashe urukingo rwa COVID-19, hanakingiwe Minisitiri w’Intebe wa Tanzania, Kassim Majaliwa.

Tanzania yabaye nk’isigara inyuma mu bikorwa byo gukingira ahanini biturutse ku butegetsi bwa Perezida John Pombe Magufuri butakozwaga ibijyanye n’amabwiriza yo kwirinda iki cyorezo.

Kuva yajya ku butegetsi muri Werurwe 2021, Perezida Samia Suluhu yabaye nk’uhinduye ibintu ndetse iki gihugu, kimwe n’ibindi gitangira gushyira mu bikorwa amabwiriza yo kwirinda COVID-19.

Perezida wa Tanzania, Samia Suluhu yakingiwe COVID-19
Minisitiri w'Intebe, Kassim Majaliwa, na we ari mu bakingiwe

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .