Yabivuze kuri iki Cyumweru ubwo yari i Gitega, mu Nama y’Inteko Rusange isanzwe y’Ishyaka CNDD-FDD riri ku Butegetsi.

Perezida Ndayishimiye yavuze ko nk’ururimi rw’igihugu, Ikirundi kigomba kuba urw’akazi mu nzego za Leta nko mu nama, ku buryo "raporo n’inyandikomvugo bizajya bikorwa mu Kirundi."

Wasangaga raporo nyinshi ndetse n’inyandiko za Leta mu Burundi zandikwa mu Gifaransa.

Ni ibintu yavuze ko bihinduka, kuko uru rurimi ari rwo ruhuriweho n’abaturage bose mu Burundi.

Muri iyi nama, Perezida Ndayishimiye yanakanguriye abarwanashyaka ba CNDD-FDD (abagumyabanga), kurushaho gushyira imbere ibikorwa biteza imbere imibereho y’Abarundi.

Perezida Ndayishimiye ageza ijambo ku barwanashyaka ba CNDD-FDD

Ishyaka CNDD-FDD ryakoze Inama y'Inteko Rusange isanzwe kuri iki Cyumweru

Muri iyi nama hatumiwemo abadipolomate n'abandi bayobozi