00:00:00 IGIHE NETWORK KN KINYARWANDA EN ENGLISH FR FRANCAIS

Perezida Ndayishimiye yahawe urw’amenyo kubera kwita Museveni ’Umubyeyi w’u Burundi’

Yanditswe na Rosine Ingabire
Kuya 16 Gicurasi 2021 saa 08:50
Yasuwe :
0 0

Perezida w’u Burundi, Evaritse Ndayishimiye yahawe urw’amenyo n’abakoresha imbuga nkoranyambaga nyuma y’aho avuze ko Abarundi bafata Perezida wa Uganda, Yoweri Museveni nk’umubyeyi w’igihugu cyabo ngo kubera ’uruhare yagize mu kubageza ku bumwe n’ubwiyunge."

Ibi Perezida Ndayishimiye yabitangaje ubwo yari mu ruzinduko yagiriye muri Uganda, aho yari yanitabiriye umuhango w’irahira rya Museveni wabaye ku wa 12 Gicurasi 2021.

Amashusho yashyizwe hanze na Televiziyo ya Leta ya Uganda (UBC) agaragaza Perezida Ndayishimiye hamwe n’itsinda ry’abari bamuherekeje bari kugirana ibiganiro n’uruhande rwa Uganda rwari ruyobowe na Perezida Museveni.

Mu gihe Perezida Ndayishimiye yari ahawe umwanya ngo agire icyo avuga, yabwiye Perezida Museveni ko Abarundi bamufata nk’umubyeyi.

Ati "Nk’uko mubizi Nyakubahwa u Burundi bugufata nk’umubyeyi w’igihugu cyacu kubera ko wafashije u Burundi mu kuzana ubumwe n’ubwiyunge none nk’uko wabivuze ubu u Burundi buri mu mahoro kubera wowe nyakubahwa."

"U Burundi ntibuzibagirwa uburyo witanze by’umwihariko mu 2015 ubwo wemeraga kwitanga ukaza unyuze ku nzira y’ubutaka mu gihe ibindi bihugu byahungaga u Burundi ngo hari intambara, kwari ukwitanga kandi turagushimira cyane."

Yahawe urw’amenyo

Abakoresha imbuga nkoranyambaga bamuhaye urw’amenyo bagaragaza iyi mvugo ya Perezida Ndayishimiye nk’igaragaza ugucinya inkoro.

Uwitwa Assumpta Seminega abinyujije kuri Twitter yagize ati "Ubu nibwo bwoko bwa Perezida abo mu Burengerazuba bw’Isi bifuriza Afurika, ubu ndumva impamvu batwanga."

Mike Mugabo we yavuze ko "Umukurambere w’Abarundi "CAMBARANTAMA" yumvise ibyo Perezida Ndayishimiye yavuze yakwiyahura ngo kuko ari akamaramaza."

Mike Mugabo yakomeje agira ati "Umwami "Ntare I Kivimira Savuyimba Semunganzashamba Rushatsi" yumvise ukuntu Perezida Ndayishimiye amugereranyije na Kaguta Museveni yakumirwa.... ni akabyazantama ba sha!"

Francis Mugisha we yavuze ko imyitwarire nk’iyi yo gusingiza Perezida Museveni iri mu bimunezeza cyane. Ati "Ubu kuri Museveni, Ndayishimiye amugereye aho ashaka kumupfukamirira akamwita ko ari we ugize u Burundi, ari se w’u Burundi. Ibyo nibyo yikundira yigize nk’umwami wo kuramya utabikoze agafatwa nk’umwanzi nguwo Museveni ,Se w’u Burundi, akaba ubu yarabaye Sabavandimwe wifuza kuyobora akarere."


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .