Perezida Museveni yavuze ko Uganda yabashije kurwanya Ebola kuko muri Uganda hashize iminsi 42 nta murwayi mushya ugaragara.

Ati “Twabashije guhashya Ebola, kuri ubu twarayitsinze, kubera iki? Byatewe n’uko abaturage bacu bumviye.”

Yakomeje ashimira abaganga ba Uganda ndetse abizeza kuzabaha imidali y’ishimwe.

Ati “Ndashaka gushimira abaganga, mu gihe tuzaba dutanga imidali y’ishimwe tuzayiha n’abaganga kubera iyi ntambara ya Covid-19 na Ebola barwanye.”

Ibi Perezida Museveni yabigarutseho ku wa Mbere tariki 20 Ukuboza mu 2022, mu ijambo yagejeje ku baturage.

Ku wa Gatandatu nibwo Guverinoma ya Uganda yafashe icyemezo cyo gukura muri guma mu rugo uturere twari twibasiwe na Ebola turimo n’aka Mubende aho yatangiriye.

Perezida Museveni yemereye abaganga imidali y’ishimwe kubera uko bitwaye mu bihe bya Ebola