00:00:00 IGIHE NETWORK KN KINYARWANDA EN ENGLISH FR FRANCAIS

Perezida Museveni yasabye Abanya-Kabale kwirinda kwinjiza magendu mu Rwanda

Yanditswe na IGIHE
Kuya 26 June 2022 saa 09:09
Yasuwe :

Perezida wa Uganda Yoweri Kaguta Museveni yasabye abaturage b’i Kabale mu Majyepfo ashyira Uburengerazuba bwa Uganda, kwirinda kwambutsa ibicuruzwa babijyana mu Rwanda mu buryo bwa magendu, abashishikariza gukora ubucuruzi mu buryo bwemewe.

Ibi Perezida Museveni yabigarutseho ubwo yaganiraga n’abatuye uyu Mujyi kuwa Gatandatu. Yahanyuze ubwo yari mu nzira ava i Kigali aho yari yitabiriye inama ya CHOGM.

Ati “Muraho baturage b’i Kabale, ese murakinjiza ibicuruzwa bya magendu mu Rwanda mukabigurisha ku masoko atemewe? Niba atari ko biri ndashimira Abakiga (Ubwoko bw’abaturage baba i Kabale) kuba barahagaritse ubucuruzi bwa magendu, ubu umupaka urafunguye.”

“Mukore ubucuruzi bwemewe ku bari mu rwego rw’ubucuruzi, ibiro bya gasutamo biri kubakwa n’umuhanda bizaba biri ku rwego mpuzamahanga.”

Abatuye Kisoro na Kabale bagiye bashinjwa kenshi kwinjandika mu bucuruzi bwa magendu binjiza mu Rwanda ibicuruzwa bidaciye kuri gasutamo ndetse birimo n’ibifatwa nk’ibiyobyabwenge mu Rwanda nka kanyanga. Ni ibikorwa byarushijeho kwiyongera mu gihe Umupaka wa Gatuna wari ufunze.

Perezida Museveni atangaje ibi nyuma y’igihe u Rwanda rufashe icyemezo cyo gufungura Umupaka wa Gatuna, mu rwego rwo kongera kuzahura umubano wari umaze igihe utifashe neza hagati y’ibihugu byombi.

Perezida Museveni yasabye Abanya-Kabale kwirinda kwinjiza magendu mu Rwanda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .