00:00:00 IGIHE NETWORK KN KINYARWANDA EN ENGLISH FR FRANCAIS

Perezida Museveni ashobora kongera guhatanira kuyobora Uganda mu 2026

Yanditswe na IGIHE
Kuya 3 June 2022 saa 09:21
Yasuwe :

Muri Uganda hatangiye gukwirakwira amakuru avuga ko hari gahunda y’uko Yoweri Kaguta Museveni umaze imyaka 36 ayobora iki gihugu ashobora kongera guhatana mu matora y’Umukuru w’Igihugu ateganyijwe mu 2026.

Chimpreports yakwirakwije iyi nkuru yavuze ko amakuru yahawe n’umuntu wizewe mu ishyaka rya Museveni, NRM avuga ko uyu musaza w’imyaka 77 byemejwe ko azongera guhatanira kuyobora iki gihugu mu 2026.

Uyu muntu yabwiye iki kinyamakuru ko mu gitondo cyo kuwa Gatatu tariki 1 Kamena 2022 habaye inama igamije gutegura ibikorwa byo gutangira kwamamaza Museveni nk’umukandida Perezida.

Uyu muntu yagize ati “Buri wese waba ukeka ko Museveni atazongera kwiyamamaza mu 2026 aribeshya.”

Gusa ku rundi ruhande Umuvugizi w’ishyaka, NRM, Rogers Mulindwa yirinze kugira byinshi atangaza kuri iki cyemezo, avuga ko manda ya Museveni ikibura imyaka myinshi ku buryo ibyemezo byatangira gufatwa uyu munsi.

Ati “Perezida Museveni aracyari muri manda ye yatorewe mu 2021, icyo ashyize imbere ni ugukorera abaturage, mureke twamagane politiki igamije kutubibamo amacakubiri. Haracyari kare ngo tuganire ku matora yo muri 2026.”

Amakuru y’uko Museveni ashobora kongera kwiyamamaza aje akurikira andi amaze igihe acicikana muri Uganda avuga ko ahubwo yaba ari gutegura umuhungu we akaba n’Umugaba w’Ingabo z’iki gihugu zirwanira ku butaka, Lt Gen Muhoozi Kainerugaba kugira ngo azamusimbure.

Yoweri Kaguta Museveni yagiye ku butegetsi muri Uganda mu 1986 nyuma yo guhirika ubutegetsi bwa Militon Obote.

Perezida Museveni ashobora kongera guhatanira kuyobora Uganda mu 2026

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .