Perezida Magufuli yirukanye umuyobozi amuziza kutitabira inama ye

Yanditswe na IGIHE
Kuya 17 Ukwakira 2019 saa 12:43
Yasuwe :
0 0

Perezida wa Tanzania, John Pombe Magufuli, yirukanye umuyobozi mukuru mu kigo cyo gukumira no kurwanya ruswa, kubera kutitabira inama yari yatumije mu Majyepfo y’igihugu ahitwa Mtwara.

Magufuli wagiriraga uruzinduko rw’iminsi ine mu duce twa Lindi na Mtwara, yirukanye umuyobozi w’ikigo cyo gukumira no kurwanya ruswa (PCCB) mu gace ka Mtwara, nyuma yo kutitabira inama ye yabereye Chigugu mu Karere ka Masasi.

Perezida yahamagaje uyu muyobozi mu nama yanyuraga ako kanya kuri televiziyo y’igihugu, TBC, ngo asobanure uko ibiro bye byo kurwanya ruswa byakemuye ikibazo cy’igihombo cya miliyoni z’amashilingi zagombaga kwishyurwa abahinzi b’ubunyobwa.

Abahinzi babwiye Umukuru w’igihugu ko mu gihembwe cy’ihinga cya 2018/2019, hari abayobozi bo mu ihuriro ry’amakoperative ndetse n’ab’ikigo cy’imenyekanishabuhinzi mu gace ka Mtwara bibye amafaranga yari agenewe abahinzi b’ubunyobwa.

Yaje kubwirwa ko uwo muyobozi adahari ategeka ko ahita asimburwa ako kanya. Yategetse umuyobozi w’agateganyo wa PCCB, John Mbungo gushyiraho undi uyihagarariye muri Mtwara.

Perezida Magufuli yasabye ko umuyobozi asimbuzwa nyuma yo kutitabira inama

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza