Perezida Magufuli yashyigikiye ko umuhanzi Harmonize yiyamamariza kuba umudepite

Yanditswe na IGIHE
Kuya 16 Ukwakira 2019 saa 05:31
Yasuwe :
0 0

Perezida wa Tanzania, John Pombe Magufuli, yatangaje ko ashyigikiye ko Umuhanzi Rajab Abdul Kahali uzwi ku izina rya Harmonize, aziyamamariza kuba umudepite mu Nteko Ishinga Amategeko y’icyo gihugu umwaka utaha.

Uyu muhanzi asanzwe yigaragaza mu bikorwa bishyigikira Guverinoma ya Perezida Magufuli, bitandukanye n’umuhanzi Bobi Wine wo muri Uganda uheruka kuba umudepite utavuga rumwe n’ubutegetsi, uhora ahanganye n’inzego z’umutekano.

Perezida Magufuli atangaje ko ashyigikiye ko Hormonize yinjira mu Nteko Ishinga Amategeko mu gihe icyo gihugu kimaze iminsi gikumira indirimbo z’abahanzi bamwe zishyirwa mu majwi ko zirimo amashusho y’urukozasoni.

Ikinyamakuru Mwananchi cyatangaje ko Perezida Magufuli yavuze ko azashyigikira ukwiyamamaza kwa Hormonize nyuma yo gususurutsa abaturage yasuye.

Harmonize asanzwe aririmba indirimbo zishyushya abaturage zivuga imyato ibikorwa bya guverinoma ya Tanzania mu gihe abandi bahanzi bakomeye muri iki gihugu nka Diamond Platnumz na Rayvanny, rimwe na rimwe bakumirwa kuririmba indirimbo zabo mu ruhame.

Harmonize yaherukaga kuririmba indirimbo igaragaza Perezida Magufuli nk’umuyobozi ukunda umurimo kandi wabaye umunyabigwi mu guharanira iterambere.

Harmonize asanzwe yigaragaza mu bikorwa bishyigikira Guverinoma ya Perezida Magufuli

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza