Perezida Kenyatta yahishuye uko ibitutsi byatumye ava kuri Twitter

Yanditswe na Umwali Zhuri
Kuya 26 Ugushyingo 2020 saa 09:17
Yasuwe :
0 0

Perezida Uhuru Kenyatta yahishuye ko yavuye ku rubuga nkoranyambaga rwa Twitter kubera ibitutsi byinshi yahundagazwagaho n’abantu, ku buryo rimwe na rimwe yagiraga ijoro rirerire cyane kubera kubura ibitotsi.

Kenyatta yabitangaje kuri uyu wa Gatatu ubwo hashyirwaga umukono ku masezerano azwi nka BBI, agena uburyo buboneye bw’imiyoborere y’igihugu mu kwirinda imvururu zakunze gukurikira amatora.

Muri Werurwe umwaka ushize nibwo Uhuru Kenyatta yavuye kuri Twitter. Ati “Navuye kuri Twitter kubera ibitutsi byinshi. Icyiza ni uko naganira n’umugore wanjye, nkasinzira, nyuma nkakora akazi."

Yavuze ko yasanze Twitter itwara umwanya w’abantu. Ati “Urara udasinziye nyuma yo kureba kuri Twitter. Ukomeza guhamagara ubaza ibijyanye n’ibitutsi.”

Ubwo Kenyatta yavaga kuri Twitter, ni we wari Umukuru w’Igihugu wo muri Afurika ukurikirwa cyane kuko konti ye ya @UKenyatta yari ifite abantu barenga miliyoni 3.62. Yahise ava no kuri Facebook.

Ibiro by’Umukuru w’Igihugu icyo gihe byatangaje ko ubutumwa bwa Perezida wa Repubulika buzajya butangazwa binyuze ku mbuga z’Ibiro bye.

Uhuru Kenyatta yatangaje ko yavuye kuri Twitter kubera ibitutsi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .