00:00:00 IGIHE NETWORK KN KINYARWANDA EN ENGLISH FR FRANCAIS

Perezida Kagame yafashe mu mugongo Sénégal nyuma y’urupfu rw’impinja 11

Yanditswe na IGIHE
Kuya 27 May 2022 saa 08:12
Yasuwe :

Perezida Kagame yihanganishije mugenzi we wa Sénégal, Macky Sall, nyuma y’urupfu rw’impinja 11 zapfuye zishwe n’inkongi y’umuriro yibasiye ibitaro byo mu Mujyi wa Tivaouane.

Izo mpinja zose zari zimaze kuvuka. Perezida Macky Sall yihanganishije imiryango yazo, ababyeyi bari bakiva ku gise none bakaba babuze urubyaro rwabo.

Ibitaro bahiriyemo byitwa Mame Abdou Aziz Sy Dabakh hospital.

Minisitiri w’Ubuzima muri Sénégal, Abdoulaye Diouf Sarr, yatangaje ko urupfu rw’izo mpinja rwatewe n’umuriro w’amashanyarazi. Yavuze ko ibyabaye bibabaje kandi bishenguye umutima w’Abanya-Sénégal.

Impinja eshatu ni zo zarokotse iyo nkongi.

Perezida Kagame yanditse kuri Twitter ye ko yihanganishije mugenzi we Macky Sall hamwe na Sénégal ku bw’urwo rupfu rw’inzirakarengane.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .