Opango wabaye Perezida wa Congo-Brazzaville yishwe na Coronavirus

Yanditswe na Bukuru JC
Kuya 31 Werurwe 2020 saa 08:58
Yasuwe :
0 0

Uwahoze ari Perezida wa Repubulika ya Congo-Brazzaville, Jacques Joaquim Yhombi Opango yapfuye kuri uyu wa Mbere azize coronavirus.

Umuryango we watangarije AFP ko uwo mukambwe w’imyaka 81 yaguye mu Bufaransa

Umuhungu we we, Jean-Jacques yavuze ko se Yhombi Opango yaguye mu bitaro by’i Paris. Yavuze ko yafashwe na coronavirus n’ubusanzwe yari arwaye izindi ndwara.

Opango yayoboye Congo-Brazzaville guhera mu 1977 kugeza mu 1979 ubwo yahirikwaga ku butegetsi.

Yavukiye mu gace ka Cuvette gaherereye mu Majyaruguru ya Congo mu 1939. Yabaye umusirikare wamenyekanye cyane nyuma y’iyicwa rya Marien Ngouabi wahoze ari Perezida.

Opango wamaze imyaka ibiri ku butegetsi, yaje kubuhirikwaho na Denis Sassou Nguesso ukiyoboye icyo gihugu.

Guhera mu 1987 kugeza mu 1990, Opango yafunzwe azira kugira uruhare mu mugambi wo gushaka guhirika Sassou Nguesso.

Amaze kurekurwa, yaje gushinga ishyaka Rassemblement pour la démocratie et le développement, RDD ariko atsindwa mu matora ya Perezida mu 1992. Nyuma yihuje na Pascal Lissouba wari watorewe kuba Perezida, anamubera Minisitiri w’Intebe hagati ya 1994 na 1996.

Yhombi Opango yahunze Congo mu mvururu zo mu 1997, ahungira mu Bufaransa.

Yagarutse mu gihugu cye mu 2007 ariko akajya asubira kenshi mu Bufaransa agiye kwivuza.

Opango yaguye mu Bufaransa azize Coronavirus

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .