00:00:00 IGIHE NETWORK KN KINYARWANDA EN ENGLISH FR FRANCAIS

OMS ihangayikishijwe n’uko inkingo za Covid-19 zirimo kuba iyanga mu bihugu bikennye

Yanditswe na IGIHE
Kuya 22 Kamena 2021 saa 12:52
Yasuwe :
0 0

Ishami ry’Umuryango w’Abibumbye ryita ku Buzima, OMS, ryatangaje ko ibihugu bikennye bifite ingorane zo gukomeza ibikorwa byo gukingira icyorezo cya Covid-19, kubera kutabona inking zihagije.

Umujyanama Mukuru muri OMS, Dr Bruce Aylward, yavuze ko gahunda yo gusaranganya inkingo hagati y’ibihugu bikize n’ibikennye izwi nka Covax, imaze gutanga doze miliyoni 90 z’inkingo za Covid-19 mu bihugu 131.

Gusa ngo ntiziragera ku rwego rw’izihagije zo kurinda abaturage iyi virusi igikomeje gukwirakwira ku isi nk’uko BBC yabitangaje.

Uku kubura kw’inkingo zihagije kubaye mu gihe ibihugu bimwe muri Afurika bihanganye n’inkubiri ya gatatu y’ubwandu bwa coronavirusi

Ku wa Mbere, Perezida w’Afurika y’Epfo, Cyril Ramaphosa, yasabye ko kwirundaho inkingo kw’ibihugu bikize guhagarara, mu gihe leta ye irimo kugorwa no guhagarika kwiyongera gukomeye k’ubwandu bushya.

Ku rwego rw’umugabane wa Afurika, doze miliyoni 40 gusa ni zo zimaze guterwa abantu batageze kuri 2%, nk’uko Ramaphosa yabivuze.

Mu gukemura ibi, yavuze ko leta ye irimo gukorana na gahunda ya Covax mu gushyira muri Afurika y’Epfo ikigo cyajya gikorerwamo inkingo nyinshi kurushaho muri ako karere.

OMS ivuga ko inkingo za Covid-19 zitangwa muri gahunda ya Covax ziri kuba nke mu bihugu bikennye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .