Nigeria yasanze nta cyemeza ko umuti wa Madagascar uvura coronavirus

Yanditswe na Bukuru JC
Kuya 21 Nyakanga 2020 saa 06:37
Yasuwe :
0 0

Ikigo gishinzwe ubushakashatsi ku miti muri Nigeria cyatangaje ko nta bimenyetso cyabonye byemeza ko umuti wakorewe muri Madagascar witwa Covid-Organics waba uvura coronavirus.

Uwo muti wagejejwe muri Nigeria muri Gicurasi uyu mwaka ndetse unahabwa ibindi bihugu bya Afurika ngo biwifashishe mu kuvura Coronavirus.

Perezida Muhammadu Buhari yari yavuze ko nubwo bakiriye uwo muti, batazawukoresha mu kuvura abarwayi mu gihe inzego z’ubuzima zemewe zizaba zitarawemeza.

Umuyobozi w’ikigo gishinzwe ubushakashatsi ku miti muri Nigeria, Dr Obi Adigwe yabwiye BBC ko mu bushakashatsi bakoze, basanze uwo muti ushobora gutuma umuntu abona igikororwa, ndetse ku nyamaswa zakoreweho ubushakashatsi ngo wazigabanyirije umuriro izabaga ziwufite.

Icyakora Dr Obi yavuze ko bagiriye inama Guverinoma ya Nigeria kwirinda kuwukoresha mu kuvura kuko nta gihamya babonye cyemeza ko uwo muti ukiza Coronavirus.

Yavuze ko iyo baba bafite amafaranga ahagije n’umwanya, bari gukomeza ubushakashatsi bwimbitse kuri uwo muti.

Umuti wa Covid-Organics ukorwa mu cyatsi cya Artemisia cyifashishwa mu kuvura malaria.

Kugeza ubu Nigeria ifite abarwayi ba Coronavirus basaga ibihumbi 37, naho abasaga 800 barapfuye.

Perezida wa Madagascar yamamaje Covid Organics ashimangira ko ivura coronavirus

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .