Nigeria: Abahinzi basaga 40 bishwe bakaswe amajosi

Yanditswe na IGIHE
Kuya 29 Ugushyingo 2020 saa 10:38
Yasuwe :
0 0

Abagizi ba nabi bishe bakase amajosi abahinzi basaga 40 bo muri Leta ya Borno, mu Majyaruguru ashyira uburengerazuba bwa Nigeria.

Abo bahinzi biciwe mu giturage cya Koshobe hafi y’umujyi wa Maiduguri ukunze kwibasirwa n’ibitero by’imitwe y’iterabwoba.

Kuri uyu wa Gatandatu abagizi ba nabi basanze abo bahinzi mu mirima y’umuceri, babanza kubahambira barangije babakata amajosi.

Babakura Kolo, umwe mu bayobozi b’umutwe washinzwe n’abaturage ugamije kwirwanaho, yabwiye AFP ati “Tumaze kubona imirambo 43, bose bishwe. Hari abandi batandatu bakomerekejwe bikomeye.”

Byatangajwe ko inzego z’umutekano zatangiye iperereza n’ibitero byo guhiga abakoze ayo mabara.

Imitwe y’iterabwoba ya Boko Haram na Islamic State West Africa Province (ISWAP) ifite ibirindiro muri ako gace. Guhera mu 2009 ibihumbi by’abaturage bimaze guhitanwa n’iyo mitwe, mu gihe abasaga miliyoni ebyiri bavuye mu byabo.

Abenshi mu bishwe kuri uyu wa Gatandatu baturuka muri Leta ya Sokoto iherereye mu birometero 1000 uvuye mu gace biciwemo. Bari baraje muri ako gace gushakisha imibereho bakora mu mirima y’imiceri.

Mu bahinzi 60 bari bari gukora muri iyo miceri, umunani baburiwe irengero bikaba bikekwa ko bashimuswe.

Mu kwezi gushize, abarwanyi ba Boko Haram bishe abandi bahinzi 22 hafi y’umujyi wa Maiduguri.

Boko Haram birekekwa ko ifite uruhare mu rupfu rw'abo bahinzi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .