Mu itangazo Minisiteri y’Ibidukikije, amashyamba n’ubukerarugendo yashyize hanze, yatangaje ko muri Mutarama abantu batangira gutanga ibiciro byabo ariko bakanagaragaza ko mu gihe bazaba baguze izi nzovu bafite ubushobozi bwo kuzijyana mu bihugu zikenewemo.

Iyi Minisiteri kandi yavuze ko yafashe uyu mwanzuro mu rwego rwo kugabanya ibibazo izi nyamaswa zitezanya hagati yazo n’abantu.

Ati “Kubera izuba ryinshi n’ubwiyongere bw’umubare w’inzovu, amakimbirane ya hato na hato hagati yazo n’abantu, byagaragaye ko bikenewe ko umubare w’izi nyamaswa ugabanywa.”

Si ubwa mbere Namibia ikora ibintu nk’ibi kuko n’umwaka ushize yashyize ku isoko inyamaswa 1000 zari ziri mu kaga ko kwicwa n’inzara n’inyota. Inyamaswa zagurishijwe harimo inzovu, imbogo, giraffe n’impara, izi zose zinjije agera kuri miliyoni 1,1$.

Ibihe by'impeshyi byatumye Namibia ifata umwanzuro wo kugurisha inzovu 170