00:00:00 IGIHE NETWORK KN KINYARWANDA EN ENGLISH FR FRANCAIS

Mozambique yirukanye mu kazi abapolisi barenga 300

Yanditswe na IGIHE
Kuya 5 July 2022 saa 11:38
Yasuwe :

Abapolisi 326 bo muri Mozambique birukanywe mu kazi mu 2020 kubera ibyaha bakoze birimo no gukoresha imbaraga z’umurengera, guhohotera abaturage n’ubwicanyi.

Raporo yasohowe na komisiyo y’uburenganzira bwa muntu muri Mozambique yatangaje kandi ko muri uriya mwaka hari n’abapolisi bahanwe.

Igira iti “Urugero ni abapolisi bane bahanishijwe ibihano birimo imyaka 23 na 24 y’igifungo kubera uruhare rwabo mu kwica umuyobozi w’ihuriro ry’imiryango itari iya leta muri Gaza, Anastácio Matavel, kuwa 7 Ukwakira 2019”.

Nk’uko iyi raporo ibigaragaza, hari abantu bafunzwe binyuranyije n’amategeko ntibahabwe ubutabera.

Abapolisi bashinjwa gukora ibyaha birimo ibibabaza umubiri, guta muri yombi abantu hadakurikijwe amategeko ndetse no kwica.

Iyi raporo inasaba kandi ko hajyaho ingamba zo guha imyitozo abapolisi mu bijyanye n’ibibazo by’uburenganzira bwa muntu. Hari kandi kubazwa inshingano no gusesengura abo bashaka ko bajya muri polisi.

Abakoze raporo kandi basabye ko hajya hatangazwa amakuru ku byaha by’ihohoterwa bikorwa na polisi, harimo amazina y’ababikoze ndetse n’ibihano bafatiwe.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .