00:00:00 IGIHE NETWORK KN KINYARWANDA EN ENGLISH FR FRANCAIS

Mozambique: Igisirikare cyemeje ko ibyambu byo muri Cabo Delgado byabohowe

Yanditswe na IGIHE
Kuya 25 Ukuboza 2022 saa 11:41
Yasuwe :

Umugaba w’ingabo zirwanira mu mazi muri Mozambique, Eugenio Dias da Silva Muatuca, yemeje ko ibyambu byo mu ntara ya Cabo Delgado cyabohowe burundu, gikurwa mu maboko y’ibyihebe byari bikimaranye imyaka itanu.

Eugenio Dias da Silva Muatuca yabwiye itangazamakuru rya leta ko inzira z’amazi zose zabohowe ku bufatanye bwa leta n’abafatanyabikorwa bayo bayifashije kubohora icyambu cya Mocímboa da Praia.

Yagize ati “Icyambu cya Mocímboa da Praia kirakora bisanzwe hari n’ibikorwa by’imishinga ya gaz mu karere ka Palma. Ubungubu ingabo ziri maso ngo zihashye ibikorwa byose bitemewe kandi zibungabunge umutekano w’abaturage bagarutse mu ngo zabo”.

Mu Ugushyingo uyu mwaka nibwo icyambu cya Mocimboa Da Praia cyongeye gukora nyuma y’imyaka ibiri kidakora kubera ibikorwa by’iterabwo byibasiye agace giherereyemo.

Guverineri w’Intara ya Cabo Delgado, Valige Tauabo ni we wagifunguye ku mugaragaro, avuga ko uyu ari umusaruro w’ubwitange n’ubufatanye bw’inzego z’umutekano w’u Rwanda zifatanyije n’iza Mozambique.

Cabo Delgado yari yarigaruriwe n’umutwe w’abarwanyi ba kiyisilamu kuva mu 2017, uza kwirukanwa ku bufatanye bw’ingabo z’u Rwanda n’iza SADC.

Kuva muri Nyakanga 2021, ni bwo u Rwanda rwohereje ingabo na Polisi kugarura amahoro mu Ntara ya Cabo Delgado yari imaze imyaka itanu yarayogojwe n’ibyihebe. Nyuma yo gutsinsura ibi byihebe ubu hakomeje ibikorwa byo gusubiza abaturage mu byabo no gusana ibyangijwe n’intambara.

Kongera gukora kw’icyambu cya Mocimboa Da Praie ni ikimenyetso cyo kubura ubucuruzi muri uyu mujyi uherereye ku nyanja y’u Buhinde.

Ubwo icyambu cya Mocímboa da Praia cyafungurwaga mu Ugushyingo uyu mwaka

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .