Misiri ishobora gutangira gutanga urukingo rwa Covid-19 rwakozwe n’u Bushinwa

Yanditswe na Bukuru JC
Kuya 29 Ukuboza 2020 saa 01:04
Yasuwe :
0 0

Ubuyobozi bwa Misiri bwatangaje ko urukingo rwa Coronavirus rwakozwe n’u Bushinwa rutanga icyizere ndetse ko mu minsi ya vuba rushobora gutangira guhabwa abaturage.

Tariki 10 Ukuboza nibwo Misiri yakiriye icyiciro cya mbere cy’urukingo rwakozwe n’ikigo gishinzwe imiti mu Bushinwa cyizwi nka Sinopharm.

Minisiteri y’Ubuzima mu Misiri yatangaje ko urwo rukingo rugiye guhabwa abakora mu buvuzi, abafite indwara zidakira nka kanseri, uburwayi bw’impyiko n’abageze mu zabukuru.

Umuyobozi wa sendika y’abakora mu buvuzi mu Misiri, Osama Abdel-Hay yabwiye Xinhua ko urwo rukingo rutanga icyizere cyinshi.

Yavuze ko rutandukanye n’izindi zimaze iminsi zitangwa mu bihugu by’i Burayi na Amerika, aho zisaba kubikwa ahantu hakonje cyane hari ubukonje bwa dogere -70.

Yavuze ko haba mu kubikwa no gutwarwa, urukingo rw’u Bushinwa ruhagaze neza ku buryo Misiri yatangira kurukoresha.

Misiri ifite abantu basaga ibihumbi 133 banduye Coronavirus, mu gihe abapfuye basaga 7466.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .