Minisitiri w’Ubuzima wa Zambia yasanzwemo Coronavirus

Yanditswe na Bukuru JC
Kuya 28 Gicurasi 2020 saa 11:35
Yasuwe :
0 0

Minisitiri w’Ubuzima wa Zambia, Chitalu Chilufya, yasanzwemo icyorezo cya Coronavirus, ni mu gihe iki gihugu kimaze kugira abarenze 1000 banduye iki cyorezo.

Uyu Minisitiri abaye umuntu wa kabiri ukomeye wanduye Coronavirus nyuma ya Minisitiri w’Itangazamakuru, Dora Siliya.

Umunyamabanga w’inama y’abaminisitiri, Simon Miti yatangaje ko Dr Chilufya, yishyize mu kato. Mu minsi itanu ishize muri Zambia hagaragaye abantu 137 banduye Coronavirus, bituma abamaze kwandura bose ari 1057.

Mu ntangiriro z’uku kwezi, Zambia yafunze umupaka uyihuza na Tanzania i Nakonde-Tunduma, nyuma y’uko hagaragaye abantu barenga 70 muri ako gace ku munsi umwe.

Iki gihugu ariko ntabwo kigeze gishyiraho ingamba zo gufunga ibikorwa byose no kugumisha mu rugo abaturage ariko hari ibyafunzwe birimo utubari, ahakinirwa imikino y’amahirwe, gym n’amashuri.

Mu byumweru bishize ariko Perezida Edgar Lungu, yemeye ko gym n’ahakinirwa imikino y’amahirwe hafungurwa ariko utubari tugakomeza gufungwa.

Kaminuza zizakomeza gufungwa ariko ibizamini by’amashuri abanza n’ayisumbuye bizasubukurwa kuwa 1 Kamena 2020.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .