00:00:00 IGIHE NETWORK KN KINYARWANDA EN ENGLISH FR FRANCAIS

Minisitiri w’Ububanyi n’Amahanga w’u Bushinwa yatangiye uruzinduko rwe rwa mbere muri Afurika

Yanditswe na Rosine Ingabire
Kuya 10 Mutarama 2023 saa 08:17
Yasuwe :

Minisitiri mushya w’Ububanyi n’Amahanga w’u Bushinwa, Qin Gang yatangiye uruzinduko rwe rwa mbere muri Afurika mu rwego rwo kurushaho gutsura umubano.

Biteganyijwe Gang wahoze ari Ambasaderi w’u Bushinwa muri Leta Zunze Ubumwe za Amerika, kuri uyu wa Mbere tariki 9 Mutarama aribwo yatangiriye uruzinduko rwe muri Ethiopia.

Kugeza kuwa 16 Mutarama Gang azagera mu bindi bihugu birimo Gabon, Angola, Benin na Misiri.

Gang atangiriye uruzinduko rwe muri Afurika nka Minisitiri w’Ububanyi n’amahanga nk’uko abandi ba minisitiri bamubanjirije mbere mu myaka 30 ishize bagiye babigenza, mu kwerekana agaciro igihugu cye giha uwo mugabane.

Gang w’imyaka 56 yagizwe Minisitiri w’Ububanyi n’Amahanga w’u Bushinwa ku wa 30 Ukuboza 2022. Yasimbuye Wang Yi w’imyaka 69.

U Bushinwa na Afurika bikomeje guteza imbere umubano wabyo mu ngeri zitandukanye cyane cyane ubucuruzi n’ishoramari.

U Bushinwa nicyo gihugu cya mbere gicuruza amafaranga menshi na Afurika. Mu 2021, ubucuruzi bw’impande zombi bwabarirwaga muri miliyari $254 mu gihe ubucuruzi bwa Afurika na Amerika bwari miliyari $83.6.

Kuva mu 2007 kugeza 2017, ubucuruzi bwa Afurika n’u Bushinwa bwiyongereye ku kigero cya 220%, mu gihe ubwa Afurika na Amerika bwagabanyutseho 54%.

Mu myaka ya 1990, sosiyete z’Abanyamerika n’Abanyaburayi zari zihariye imyubakore y’ibikorwa remezo muri Afurika ku kigero cya 85% . Mu 2020, sosiyete z’abashinwa zari zihariye imyubakire y’ibikorwa remezo bya Afurika mu kigero cya 31 %.

Qin Gang yatangiye uruzinduko muri Afurika

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .