Maroc yatangiye gukingira COVID-19

Yanditswe na IGIHE
Kuya 27 Mutarama 2021 saa 08:04
Yasuwe :
0 0

Inzego z’ubuzima muri Maroc zatangiye ibikorwa byo gukingira abaturage icyorezo cya COVID-19 haherewe ku bari mu byago byo kwandura kurusha abandi.

Muri ibi bikorwa byo gukingira byatangajwe ko abaganga n’abandi bakozi bo mu nzego z’ubuzima bari mu bazahabwa urukingo mbere. Kugeza ubu Maroc ifite dose miliyoni ebyiri z’urukingo rwakozwe na Kaminuza ya Oxford ifatanyije na AstraZeneca.

Uretse izi doze z’urukingo Maroc yamaze kubona biteganyijwe ko kuri uyu wa 27 Mutarama yakira izindi doze ibihumbi 500 z’urukingo rwakozwe na Sinopharm yo mu Bushinwa.

Maroc ni kimwe mu bihugu bya Afurika byazahajwe cyane n’icyorezo cya COVID-19 aho kuri ubu kimaze guhitana abarenga 8 000 mu gihe abarenga ibihumbi 460 bacyanduye.

Kugeza ubu muri Afurika umubare w’ibihugu byatangiye ibikorwa byo gukingira COVID-19 uracyari muto. Mu bihugu byatangiye gukingira abaturage babyo harimo ibirwa bya Seychelles, ibirwa bya Maurice, Misiri na Guinea.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .