00:00:00 IGIHE NETWORK KN KINYARWANDA EN ENGLISH FR FRANCAIS

Mali yarekuye abasirikare 46 ba Côte d’Ivoire bashinjwaga umugambi wo guhirika ubutegetsi

Yanditswe na Bukuru JC
Kuya 8 Mutarama 2023 saa 08:55
Yasuwe :

Abasirikare 46 Côte d’Ivoire bari bamaze amezi asaga atanu bafungiwe muri Mali, barekuwe kuri uyu wa Gatandatu nyuma y’umunsi umwe bahawe imbabazi na Perezida Col Assimi Goita.

Abo basirikare bafatiwe muri Mali muri Nyakanga 2022 bashinjwa kuba intasi no gushaka guhirika ubutegetsi, mu gihe Côte d’Ivoire yo ivuga ko bari bagiye mu butumwa bw’amahoro bwa Loni muri Mali buzwi nka Minusma.

Abo basirikare mu minsi ishize bari bakatiwe ibihano bitandukanye birimo gufungwa imyaka igera kuri 20, icyakora kuwa Gatanu bababariwe na Perezida Goita.

Bwakeye burizwa indege ibasubiza mu gihugu cyabo, bakaba bakiriwe n’abayobozi bakuru ba Côte d’Ivoire barimo na Perezida Allassane Ouattara.

Aba basirikare, irekurwa ryabo ryagizwemo uruhare n’inzego zitandukanye zirimo n’Umuryango Uhuza ibihugu byo mu Burengerazuba bwa Afurika, CEDEAO.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .