Mali:Uwahoze akorera Leta yanenze Donald Trump akoresheje Twitter ya Perezida

Yanditswe na IGIHE
Kuya 8 Mutarama 2020 saa 02:35
Yasuwe :
0 0

Uwahoze ari umukozi wa Perezida Ibrahim Boubacar Keita wa Mali, yasabye imbabazi nyuma yo gukoresha Twitter ya Perezida, akandagaza Perezida wa Leta Zunze Ubumwe za Amerika, Donald Trump.

Uwo butumwa uwo mukozi yashyize kuri Twitter, ni ubwamagana Donald Trump ku cyemezo aherutse gufata cyo kwemera ko ingabo ze zica Qasem Soleimani, umwe mu bayobozi b’ingabo bari bakomeye muri Iran.

Muri ubwo butumwa, Tiegoum Maiga wahoze ari umuvugizi wa Perezida Keita yavuze ko Trump abangamiye amahoro ku isi, ndetse yahinduye Amerika igihugu gisuzuguritse.

Ubwo butumwa bwanditswe kuri konti ya Twitter ya Perezida Keita, nyuma y’akanya buza gusibwa.

Guverinoma ya Mali yahise itangaza ko konti ya Perezida yinjiriwe n’abagizi ba nabi.

Tiegoum Maiga yavuze ko ari we wanditse ubwo butumwa, ashaka kubushyira kuri konti ye bwite ya Twitter, akibagirwa gufunga konti ya Perezida kubw’amahirwe make akaba ariho bujya.

Yasabye imbabazi z’amakosa akomeye yakoze, nkuko BBC yabitangaje.

Maiga wahoze ari umuvugizi wa Perezida, yavuye kuri uwo mwanya mu Ugushyingo umwaka ushize.

Maiga yakoresheje Twitter ya Perezida wa Mali anenga icyemezo cya Perezida Donald Trump

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza