00:00:00 IGIHE NETWORK KN KINYARWANDA EN ENGLISH FR FRANCAIS

Mali igiye kurekura abasirikare 46 ba Côte d’Ivoire

Yanditswe na IGIHE
Kuya 1 Mutarama 2023 saa 08:28
Yasuwe :

Perezida wa Côte d’Ivoire, Alassane Ouattara, yatangaje ko abasirikare 46 b’igihugu cye bamaze igihe bafungiwe muri Mali, bategerejwe mu gihugu cyabo mu minsi mike iri imbere.

Ni ubutumwa yatangaje mu ijambo yagejeje kuy baturage, ubwo binjiraga mu mwaka mushya wa 2023.

Aba basirikare bafunzwe kuva ku wa 10 Nyakanga 2022, ubwo bafatirwaga ku kibuga cy’indege bashinjwa umugambi wo kubangamira Guverinoma ya Mali n’umutekano w’igihugu, ndetse baheruka gukatirwa gufugwa imyaka 20.

Ni mu gihe Côte d’Ivoire yo ivuga ko abo basirikare binjiye muri Mali bari mu butumwa bw’Umuryango w’Abibumbye.

Perezida Alassane Ouattara yakomeje ati "Bitewe n’ibikorwa bya dipolomasi byagizwemo uruhare n’ibihugu byinshi by’inshuti, by’umwihariko perezida wa repubulika ya Togo, Nyakubahwa Faure Gnassingbé, abasirikare batatu b’abagore barekuwe muri Nzeri ishize. Abandi basirikare 46 nabo bazagaruka vuba aha ku butaka bwa Côte d’Ivoire."

Iki cyemezo gitangajwe bijyanye n’itariki ya 1 Mutarama 2023 yashyizweho n’abayobozi bo muri Afurika y’Iburengerazuba, kugira ngo Mali irekure abo basirikare cyangwa ibahane.

Côte d’Ivoire itegereje abasirikare bayo bamaze iminsi bafungiwe muri Mali

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .