00:00:00 IGIHE NETWORK KN KINYARWANDA EN ENGLISH FR FRANCAIS

Mali: Hashyizweho Komisiyo ishinzwe kwandika Itegeko Nshinga rishya

Yanditswe na Bukuru JC
Kuya 12 June 2022 saa 03:20
Yasuwe :

Ubutegetsi bwa gisirikare buyoboye Mali, kuri uyu wa Gatanu ku mugoroba bwashyizeho Komisiyo ishinzwe kwandika Itegeko Nshinga rishya nyuma y’iminsi ubutegetsi buhiritswe.

Colonel Assimi Goïta uyoboye Mali niwe uzatoranya abazaba bagize iyo Komisiyo, aho biteganyijwe ko mu mezi abiri ari imbere bagomba kuba bamugejejeho imbanzirizamushinga y’Itegeko Nshinga rishya.

Iyo Komisiyo igomba kuba igizwe na Perezida, abanditsi babiri n’impuguke. Biteganyijwe ko mbere yo kwandika Itegeko Nshinga, hagomba kuba ibiganiro bizagirwamo uruhare n’imitwe ya politiki, abihaye Imana, imiryango itegamiye kuri Leta n’abandi.

Uyu mwanzuro uje nyuma y’icyumweru kimwe Mali itangaje ko amatora ya Perezida azaba muri Werurwe 2024, aho kuba muri Gashyanyatare 2022 nk’uko Umuryango w’Ibihugu byo mu Burengerazuba bwa Afurika (CEDEAO) wabisabaga.

Kubera kutubahiriza igihe cy’amatora ngo ubutegetsi busubizwe abasivile, Mali iri mu bihano by’ubukungu bya CEDEAO.

CEDEAO yatangaje ko kugira ngo ibihano biveho nibura inzibacyuho idakwiriye kurenza amezi 16.

Colonel Assimi Goïta yatanze amezi abiri yo kuba hakozwe imbanzirizamushinga y'Itegeko Nshinga

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .