Mali: Abasirikare bahiritse Perezida Keïta bamusuye mu bitaro

Yanditswe na Bukuru JC
Kuya 4 Nzeri 2020 saa 05:17
Yasuwe :
0 0

Umuyobozi w’agatsiko ka gisirikare gaherutse guhirika ku butegetsi Perezida Ibrahim Boubacar Keïta wa Mali, yamusuye mu bitaro arwariyemo.

Assimi Goïta ukuriye ako gatsiko yamusuye kuri uyu wa Kane, avuga ko Boubacar Keïta nabishaka azajya kwivuza hanze y’igihugu.

Boubacar Keïta yajyanywe mu bitaro byigenga igitaraganya mu minsi ishize nyuma y’indwara yo guturika k’udutsi tw’ubwonko mu buryo bworoheje (mini-stroke) yamwibasiye, nk’uko Ibiro Ntaramakuru by’Abafaransa, AFP byabitangaje.

Amakuru ahari avuga ko Boubacar Keïta ari koroherwa ndetse ashobora kuba yasezerewe ku mugoroba wo kuri uyu wa Kane.

Tariki 18 Kanama nibwo Boubacar Keïta yafashwe afungwa n’igisirikare, amara iminsi mu kigo cya gisirikare we na Minisitiri w’Intebe. Yarekuwe ku busabe bw’umuryango w’ibihugu byo mu Burengerazuba bwa Afurika, CEDEAO.

Perezida Keïta yahiritswe ku butegetsi mu minsi ishize

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .