Malawi: Urukiko rwatesheje agaciro intsinzi ya Mutharika mu matora ya Perezida

Yanditswe na Bukuru JC
Kuya 4 Gashyantare 2020 saa 04:12
Yasuwe :
0 0

Urukiko rushinzwe kurinda Itegeko Nshinga muri Malawi, rwategetse ko amatora ya Perezida asubirwamo, ni nyuma yo gutesha agaciro ibyavuye mu matora Perezida Peter Mutharika yongeye gutorwamo muri Gicurasi umwaka ushize.

Urukiko rwavuze ko aya matora yabayemo inenge nyinshi zirimo no gusiribanga impapuro z’itora.

Iki cyemezo ariko gishobora kujuririrwa na Mutharika, ugomba gukomeza kuyobora igihugu kugeza habaye andi matora.

Umucamanza Healey Potani yagize ati “Twemeje ko Mutharika atatowe nka Perezida wa Malawi mu matora yo kuwa 21 Gicurasi 2019. Dutesheje agaciro ibyavuye mu matora ya Perezida ndetse dutegetse ko habaho andi matora”.

Urukiko rwategetse ko andi matora agomba gutegurwa mu minsi 150. Hagati aho ariko imyanya ya Perezida na Visi Perezida biragumanwa n’abayihozemo mbere y’amatora.

Abigaragambya bakwiriye igihugu ubwo byatangazwaga ko Mutharika yatsinze amatora yo muri Gicurasi n’amajwi 38.5%. Uwamukurikiye bari bahanganye Lazarus Chakwera, yarushije amajwi 159,000, yamaganye ibyatangajwe yitabaza inkiko.

Perezida Peter Mutharika wari watorewe kuyobora Malawi ariko ibyavuye mu matora bigaseswa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .