Malawi: Umunyarwandakazi yakatiwe gufungwa imyaka itatu nyuma yo gukomeretsa abana ba mukeba we

Yanditswe na Habimana James
Kuya 13 Gicurasi 2020 saa 07:07
Yasuwe :
0 0

Umunyarwandakazi utuye muri Malawi, yakatiwe gufungwa imyaka itatu akora imirimo y’agahato, nyuma yo guhamwa n’ibyaha byo gukomeretsa ku bushake abana ba mukeba we babiri.

Urukiko rw’ibanze ruherereye mu Murwa Mukuru Lilongwe, ku wa mbere nibwo rwakatiye uyu mugore witwa Sylvia Mukanoheri ufite imyaka 25.

Ashinjwa gukomeretsa ku bushake umubiri w’aba bana ba mukeba we babiri, ibintu urukiko rwavuze ko yagombaga kubihanirwa.

Umushinjacyaha yabwiye urukiko tariki 5 Werurwe 2020 ko Mukanoheri yategetse aba bana gukurura hasi amavi, kubera ko ngo bari batetse isukari n’umuceri atabahaye uburenganzira.

Iki gihano cyatumye aba bana bakomereka mu buryo bukomeye ku mavi no ku birenge.

Ari imbere y’urukiko, Mukanoheri we yahakagana ibi byaha, akavuga ko atabikoze ku bushake, ko ibyo yakoze byari ukubaha ikinyabupfura.

Yari yasabye urukiko ko yarekurwa kubera ko yonsa. Gusa urukiko rwo rwemeje ko ibyo uyu mugore yakoze birenze ubumuntu.

Urukiko rwatangaje ko ibi byaha bikomeje kwiyongera muri ako gace, bityo hakenewe gutangwa ibihano bikomeye ku bantu babikora.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .